Të dhënat e INSTAT zbulojnë një tendencë shqetësuese në tregun e punës shqiptar: ndërmarrjet shpenzojnë gjithnjë e më pak për shpërblimin dhe trajnimin e punonjësve, pavarësisht rritjes së pagave. Në vitin 2023, shpenzimet mesatare për këtë qëllim ishin 20% më të ulëta se në 2018 dhe 70% më të ulëta se në 2010.
Shuma mesatare e shpërblimit në sektorin e biznesit në 2023 ishte vetëm 4,844 lekë në vit, dukshëm më pak se nivelet para pandemisë. Ekspertët e lidhin këtë me orientimin e ekonomisë drejt sektorëve që kërkojnë më shumë numër punonjësish sesa aftësi të specializuara, si shërbimet dhe ndërtimi.
Investimet e bizneseve në trajnim dhe shpërblime kanë shënuar rënie të ndjeshme në dekadën e fundit, duke arritur në 2.682 milionë lekë në 2023, thuajse gjysma e kulmit të vitit 2013. Viti 2022 ishte më i dobëti. Kjo prirje dëmton motivimin e punonjësve dhe efikasitetin afatgjatë të bizneseve, pasi shumë prej tyre e shohin trajnimin si kosto dhe jo si investim në kapitalin njerëzor.