Një aksident tragjik ka tronditur sot qytetin e Vlorës, ku dy të rinj kanë humbur jetën si pasojë e një ngjarje të rëndë në rrugën Fier-Vlorë. Fillimisht u raportua për vdekjen e drejtuesit të motorit, një 19-vjeçar, ndërsa pak më vonë, bilanci u rëndua edhe më shumë me ndërrimin e jetës së pasagjerit, një adoleshent vetëm 16 vjeç.
Drejtuesi i motomjetit, shtetasi L. Ll., 19 vjeç, ndërroi jetë menjëherë në vendngjarje. Pasagjeri i tij, T. M., 16 vjeç, u transportua në gjendje të rëndë për jetën drejt Spitalit të Traumës, por pavarësisht përpjekjeve të mjekëve, nuk arriti t’u mbijetonte dot plagëve të marra. Vdekja e tij u konfirmua gjatë transportit.
Ngjarja ka shkaktuar trishtim dhe shok në komunitet, duke rikthyer edhe një herë në qendër të vëmendjes sigurinë rrugore dhe kujdesin e shtuar, sidomos për drejtuesit e rinj të mjeteve.
Policia ka kryer të gjitha veprimet hetimore në vendngjarje dhe ka njoftuar se materialet do t’i referohen Prokurorisë për veprime të mëtejshme procedurale.