Presidentja e Kosovës, Vjosa Osmani, ka akuzuar Serbinë si burimin kryesor të destabilitetit në rajon, duke e lidhur me akte agresioni dhe terrorizmi. Ajo ka theksuar se Kosova po forcon kapacitetet e saj mbrojtëse përmes një pakti ushtarak me Shqipërinë dhe Kroacinë, dhe se vende të tjera pritet t’i bashkohen këtij bashkëpunimi.
Osmani ka theksuar se Serbia synon të rikthejë Ballkanin në të kaluarën, ndërsa Kosova do të mbrojë veten dhe do të kundërshtojë çdo tendencë hegjemoniste. Ajo ka përmendur gjithashtu ndikimin e dëmshëm të Rusisë, Kinës dhe Iranit në rajon përmes Serbisë. Osmani ka theksuar se Kosova bashkëpunon ngushtë me partnerët e NATO-s dhe BE-në për të siguruar paqen dhe stabilitetin rajonal dhe global.