Një fermë bagëtish në fshatin Domen të Shkodrës është vendosur në karantinë nga shërbimi veterinar, pas dyshimeve për shfaqjen e simptomave të një sëmundjeje të dyshuar virale, e cila konsiderohet shumë ngjitëse për bagëtitë e imëta.
Autoritetet e Shërbimit Veterinar të Shkodrës kanë marrë menjëherë mostra gjaku nga kafshët për të përcaktuar me saktësi llojin e virusit. Fermeri, Zamir Milani, njoftoi veterinerin e zonës pasi kishte konstatuar ngordhjen e pazakontë të dy krerëve dhe shenja të qarta të sëmundjes. Sipas Milanit, ky problem është i përhapur në shumë ferma të zonës.
Rezultatet e analizave, të dërguara në laboratorin në kryeqytet, pritet të dalin pas 48 orësh, duke ofruar më shumë qartësi mbi natyrën e kësaj sëmundjeje.