Analisti Ilir Demalia ka shprehur një kritikë të ashpër ndaj Sali Berishës, duke e cilësuar atë si një figurë të pandryshueshme që ka penguar demokracinë në Shqipëri për 35 vitet e fundit. Këto komente vijnë pas deklaratës së Berishës, i cili refuzoi të pranonte humbjen në zgjedhjet e fundit, duke pretenduar vjedhje votash dhe duke këmbëngulur se “beteja sapo ka nisur.”
Në një intervistë në “Report Tv,” Demalia theksoi se Berisha është “peng i historisë së tij politike” dhe nuk është në gjendje të dalë nga “ferri” i tij. “Berisha ky karakter është, nuk ndryshon. Edhe kur ka qenë 27 vjet anëtar i partisë së Punës, edhe kur erdhi me dy gishta lartë, kur solli ‘demonkracinë’, një njeri që nuk pranon humbjen, tragjeditë e shkaktuara, peng i vetëvetes që nuk del dot nga ferri i tij. 1 Ai do e zhysi edhe më tej në ferr partinë dhe veten e tij,” deklaroi DemaliaAi argumentoi se Berisha ka shkaktuar vonesa dhe probleme për Shqipërinë dhe klasën politike, duke vënë në pikëpyetje nëse vendi ka arritur të vendosë një pluralizëm të vërtetë pas 35 vitesh. Demalia e përshkroi opozitën e udhëhequr nga Berisha si “një lloj opozite që ka vetëm negativitet, agresivitet dhe regresivitet.”
Nga ana tjetër, eksperti i sigurisë Fatjon Softa, i ftuar gjithashtu në emision, theksoi se në një demokraci normale, humbësi pranon humbjen, uron fituesin, reflekton dhe tërhiqet. Ai shtoi se pretendimet e Berishës duhet të provohen me fakte.
Këto komente tregojnë një ndarje të thellë në opinionin publik për rolin e Berishës në politikën shqiptare dhe një shqetësim për ndikimin e tij në të ardhmen e Partisë Demokratike.