Tiranë – Pas një ndërprerjeje të shkaktuar nga zgjedhjet, Kuvendi i Shqipërisë do të rifillojë punën nesër, në orën 12:00. Përpara kësaj seance plenare, kryetari i Grupit Parlamentar të Partisë Demokratike, Gazment Bardhi, u ka dërguar një mesazh të qartë deputetëve.
Në mesazhin e siguruar nga Opinion.al, Bardhi u ka kërkuar deputetëve demokratë të jenë të pranishëm në këtë seancë. Qëllimi është i qartë: të paraqesin faktet e plota për atë që ai e cilëson si “farsë elektorale” të 11 majit.
“Të nderuar kolegë, Nesër ora 12:00 është seanca plenare e Kuvendit, në të cilën do të marrim pjesë dhe do të bëjmë gjithçka për të paraqitur faktet e plota për farsën elektorale të 11 Majit. Ju përshëndes!”, shkruan Bardhi në mesazhin e tij.