Banka e Shqipërisë dhe Shoqata Shqiptare e Bankave kanë dërguar sot aplikimet e 11 bankave të vendit për anëtarësimin në skemën SEPA për transfertat e kreditit. Transaksionet e para ndërkufitare SEPA pritet të nisin në fillim të tetorit 2025.
Vendimi për përfshirjen e Shqipërisë në zonën SEPA u mor në nëntor 2024, ndërsa bankat mundën të aplikonin nga prilli 2025. Banka e Shqipërisë ka asistuar bankat në këtë proces.
Anëtarësimi në SEPA pritet të ulë kostot e transfertave dhe të zgjerojë aktivitetin ekonomik për konsumatorët dhe bizneset shqiptare. Banka e Shqipërisë do të vazhdojë të mbështesë bankat për përshtatjet teknike.