Një sulm i koordinuar me dronë ukrainas ka goditur disa aeroporte në thellësi të territorit rus, përfshirë ato në Murmansk, Irkutsk, Ivanovo, Ryazan dhe Amur. Ministria Ruse e Mbrojtjes konfirmoi sulmet, duke theksuar se ato në Ivanovo, Ryazan dhe Amur u zmbrapsën.
Sipas burimeve ukrainase, ky operacion në shkallë të gjerë, i planifikuar për më shumë se një vit dhe i mbikëqyrur personalisht nga Presidenti Zelensky, kishte si objektiv kryesor goditjen e bombarduesve strategjikë rusë. Ndër aeroplanët e shenjestruar ishin bombarduesit e mëdhenj strategjikë TU-95 (të njohur si “Ariu”), bombarduesit supersonikë me rreze të gjatë veprimi TU-22M3 dhe avionët paralajmërues dhe kontrollues të hershëm A-50.
Një zyrtar ukrainas, i cituar nga Axios, bëri të ditur se ish-Presidenti amerikan Donald Trump ishte informuar paraprakisht për këtë operacion. Ky sulm shënon një thellim të strategjisë së Ukrainës për të goditur objektiva ushtarake ruse larg vijave të frontit, duke përdorur drone FPV (First Person View).