Vlorë, Shqipëri – Një ngjarje e rrallë dhe spektakolare ka ndodhur sot në ujërat e detit Jon, ku një balenë është vërejtur duke lundruar qetësisht pranë gadishullit të Karaburunit, në afërsi të zonës së njohur si “Mexo’kanal”.
Pamjet e këtij gjitari detar madhështor janë kapur nga një helikopter që po fluturonte mbi zonën bregdetare të Vlorës. Videoja është publikuar në rrjetet sociale nga arkitekti Artan Shkreli, duke shkaktuar interes të madh.
Ky shfaqje është veçanërisht e rëndësishme, pasi konsiderohet si një ndër rastet më të rralla kur një gjitar detar i përmasave kaq të mëdha shfaqet kaq pranë brigjeve shqiptare. Kjo dëshmon për pasurinë dhe diversitetin e faunës detare në detin Jon.