Kryeministri Edi Rama ka vizituar sot Qendrën Mjekësore Sheba në Tel Aviv, Izrael, duke shprehur kënaqësinë për vizitën e shumëpritur dhe duke vlerësuar bashkëpunimin e arritur me Qendrën Spitalore Universitare “Nënë Tereza” (QSUT) në Tiranë.
“Është një nder i madh dhe privilegj. Mezi po prisja të vija këtu prej shumë kohësh. E vlerësojmë jashtëzakonisht shumë mbështetjen tuaj,” tha Rama gjatë vizitës.
Kjo vizitë zhvillohet në një kohë kur tensionet mbeten të larta në rajon, veçanërisht në Gaza, duke bërë që disa të vënë në pikëpyetje momentin e zgjedhur për këtë ngjarje dhe tonin e deklaratave të Kryeministrit. Marrëveshja e bashkëpunimit mes Sheba dhe QSUT synon forcimin e lidhjeve në fushën e shëndetësisë mes dy vendeve.