Berlin – Ministrja e Jashtme gjermane, Annalena Baerbock, ka shprehur kundërshtimin e saj ndaj çdo plani që parashikon zhvendosjen e përhershme të palestinezëve nga Rripi i Gazës. Ajo e cilësoi një hap të papranueshëm çdo iniciativë që synon dëbimin e palestinezëve nga atdheu i tyre.
Baerbock tha se Gaza është shtëpia e palestinezëve dhe se të drejtat e tyre për të jetuar atje duhet të respektohen. “Çdo plan që përfshin dëbimin ose zhvendosjen e palestinezëve është i papranueshëm dhe shkel të drejtat e tyre bazë,” shtoi ajo.
Deklaratat e ministres gjermane vijnë pas thirrjeve të bëra nga ish-presidenti amerikan Donald Trump për një zhvendosje të mundshme të palestinezëve nga Gaza, një plan që ka ngjallur kritika të ashpra nga shumë vende dhe organizata ndërkombëtare.