Blendi Gonxhja, deputeti më i votuar i PS në Tiranë, ka shprehur keqardhje për situatën e Erion Veliajt, duke theksuar se nuk ka ambicie personale për të drejtuar Bashkinë e Tiranës. Në një intervistë për News24, Gonxhja tha se është i përqendruar në detyrën e tij si deputet dhe se shpreson që Veliaj të dalë fitimtar.
“Më vjen shumë keq për atë që ka ndodhur,” tha Gonxhja, duke shtuar se nuk ka “programuar asgjë për një ambicie personale.” Ai theksoi rëndësinë e Bashkisë së Tiranës dhe angazhimin e tij për të përmirësuar jetën e qytetarëve si deputet. “Më kanë votuar shumë zemra në Tiranë për deputet dhe ndaj kësaj vote duhet të jem shumë i kujdesshëm,” përfundoi ai.