Donald Trump ka përcjellë zyrtarisht Elon Musk nga Departamenti i Shkurtimit të Shpenzimeve (DOGE), një entitet i krijuar gjatë administratës së dytë të ish-Presidentit. Në Zyrën Ovale, Trump e ka lavdëruar dhe falënderuar Musk për kontributin e tij thelbësor në shkurtimin e qindra milionave dollarë shpenzime dhe në reformimin e burokracisë federale.
Trump theksoi se largimi i Musk nuk është “përgjithmonë” dhe se themeluesi i SpaceX dhe Tesla do të mbetet pranë administratës herë pas here. “Shërbimi ndaj Amerikës është i pakrahasueshëm,” u shpreh Trump, duke e cilësuar Musk si “një i punësuar special qeveritar.”
Gjatë fjalës së tij, Trump detajoi disa nga arritjet e DOGE nën drejtimin e Musk, duke përfshirë:
- Ndërprerjen e miliona dollarëve për hotelet e emigrantëve ilegalë.
- Ndërprerjen e miliona dollarëve për nisma të Diversitetit, Barazisë dhe Përfshirjes (DEI) në Burma.
- Kursimin e 40 milionë dollarëve nga shpenzimet për ndryshimin e seksit në Ugandë.
- Anulimin e mijëra kontratave të panevojshme.
- Kthimin në punë të mijëra burokratëve që punonin nga shtëpia.
Trump përmendi gjithashtu shpenzime të tjera absurde si “8 milionë dollarë për të bërë minjtë transgjinorë,” duke theksuar angazhimin e administratës së tij për të vijuar me shkurtime dhe ndërprerje fondesh.
“Me DOGE shumë njerëz qëndrojnë, dhe Elon nuk ikën, ai do të jetë këtu herë pas here,” tha Trump. Ai shtoi se Musk “ka përballuar abuzim dhe shpifje, sepse e do vendin tonë,” duke iu referuar pozicionit të Musk si drejtues i “kompanisë më të suksesshme të hapësirës” dhe “platformës së fjalës së lirë.”