Uashington D.C. – Presidenti Donald Trump ka zhvilluar një bisedë telefonike me Kryeministrin izraelit Benjamin Netanyahu, duke shprehur ngushëllime të thella pas vrasjeve të dy anëtarëve të stafit të ambasadës izraelite në Uashington. Lajmi u bë i ditur nga zyra e Netanyahut.
Gjatë bisedës, Kryeministri Netanyahu falënderoi Presidentin Trump për përpjekjet e tij në luftën kundër antisemitizmit në SHBA. Dy udhëheqësit diskutuan gjithashtu situatën e tensionuar në Gaza, ku Trump shprehu mbështetjen e tij për objektivat e Netanyahut: lirimin e pengjeve, eliminimin e Hamasit dhe avancimin e “Planit Trump”.
Përveç kësaj, udhëheqësit theksuan nevojën për të parandaluar që Irani të pajiset me armë bërthamore, një çështje me rëndësi kyçe për sigurinë rajonale dhe globale.