Tiranë, 29 Prill 2025 – Një analizë e Bankës Botërore zbulon se paga minimale në të gjitha vendet e Ballkanit Perëndimor ka shënuar rritje të ndjeshme në vitin 2025, me përjashtim të Shqipërisë. Federata e Bosnjë dhe Hercegovinës kryeson me rritjen më të madhe prej 60%, duke e çuar pagën minimale në 892.3 euro. Edhe Republika Srpska ka rritur ndjeshëm pagën minimale në 1,023.5 euro.
Serbia dhe Maqedonia e Veriut kanë regjistruar gjithashtu rritje të pagës minimale me përkatësisht 13.2% dhe 8.1%. Mali i Zi mban pagën minimale më të lartë në rajon pas rritjes së vitit të kaluar.
Ndërkohë, Shqipëria ka mbetur i vetmi vend në rajon ku paga minimale ka mbetur e pandryshuar në rreth 404 euro. Kosova ka pagën minimale më të ulët në rajon, 350 euro, me një diferencë të madhe nga vendet e tjera.
Raporti i Bankës Botërore vëren se rritja e pagave në rajon ka tejkaluar ndjeshëm rritjen e produktivitetit, duke theksuar sfidat strukturore si pjesëmarrja e ulët në tregun e punës, informaliteti i lartë dhe rritja e ngadaltë e produktivitetit. Banka sugjeron se reformat strukturore janë thelbësore për zhvillimin e qëndrueshëm ekonomik në Ballkanin Perëndimor.