Tiranë – Një tjetër aksident ka ndodhur sot në kryeqytet, ku një 17-vjeçar është përplasur nga një makinë teksa po lëvizte me monopatinë. Ngjarja është konfirmuar nga Policia e Tiranës.
Drejtuesi i automjetit, shtetasi Sh. Q., 40 vjeç, është proceduar në gjendje të lirë nga policia.
Në njoftimin e policisë thuhet: “U referuan materialet në Prokurori, ku nisi procedimi në gjendje të lirë për shtetasin Sh. Q., 40 vjeç, pasi automjeti që drejtonte është përplasur me monopatinën me të cilën lëvizte një 17-vjeçar. Si pasojë është dëmtuar 17-vjeçari, i cili ndodhet në spital, nën kujdesin e mjekëve.”
Aksidenti i sotëm shton shqetësimet për sigurinë e përdoruesve të monopatinave në rrugët e Tiranës, duke sjellë sërish në vëmendje nevojën për më shumë kujdes dhe rregullore më të qarta për këtë mjet transporti.