Partia Demokratike – Aleanca për Shqipërinë Madhështore (PD-ASHM) ka depozituar një tjetër ankim në Komisionin e Ankesave dhe Sanksioneve (KAS) në Komisionin Qendror të Zgjedhjeve (KQZ), duke kërkuar shpalljen e pavlefshme të zgjedhjeve parlamentare në qarkun e Shkodrës.
Në shkresën zyrtare drejtuar KAS-it, PD-ASHM kërkon përsëritjen e zgjedhjeve, duke pretenduar se procesi është shoqëruar me manipulime. Sipas ankimimit, “qytetarët janë vënë përballë një zgjedhjeje jo të lirë, por të blerë ose të imponuar.” Më tej, PD-ASHM thekson se “aty ku funksionon Partia-Shtet, nuk mund të ketë zgjedhje të lira dhe të ndershme.”