Trump Tërhiqet nga Idhea e Dëbimit të Palestinezëve, Dhe Deklaron se 7 Tetori ishte ditë e tmerrshme
Presidenti i SHBA-së, Donald Trump, ka bërë një sërë deklaratash lidhur me situatën në Gaza, duke ndryshuar qëndrim nga deklaratat e mëparshme. Ai ka deklaruar se “askush nuk po dëbon asnjë palestinez nga Gaza,” duke u tërhequr nga idetë e mëparshme për dëbimin e popullsisë palestineze.
Këto komente Trump i bëri gjatë një takimi me kryeministrin irlandez në Shtëpinë e Bardhë. Ai gjithashtu e ka cilësuar 7 tetorin, ditën e sulmeve të Hamasit ndaj Izraelit, si “një ditë të tmerrshme, të tmerrshme për fatet e botës.”
“Askush nuk po dëbon asnjë palestinez. Nuk e di. Me kë jeni ju? Ne flasim për gjithçka. Izraeli ka qenë nën rrethim, siç mund ta shihni. Dhe ata e kundërshtuan atë gjë. 7 tetori ishte një gjë e tmerrshme. Njerëzve nuk u pëlqen ta përmendin atë, por ishte një ditë e tmerrshme, e tmerrshme për fatet e botës. Dhe është e mahnitshme mënyra se si njerëzit nuk e përmendin këtë. Por unë kurrë nuk kam parë diçka të tillë. Ka klipe, më mirë t’i shoh edhe presidenti që është këtu me ne. Dhe po punojmë shumë me Izraelin. Mund të them se sap pashë 10 pengje dhe ata ishin trajtuar shumë keq. Unë kam qenë i shokuar,” u shpreh presidenti amerikan Donald Trump.
Trump ka theksuar se po punon ngushtë me Izraelin dhe se ka parë nga afër trajtimin e keq të pengjeve. Ai ka shprehur tronditjen e tij nga ajo që ka parë, duke e cilësuar 7 tetorin si një ngjarje me pasoja të rënda për botën.
Këto deklarata të Trump vijnë në një kohë të tensionuar në Lindjen e Mesme, ku konflikti mes Izraelit dhe Hamasit ka shkaktuar shkatërrime të mëdha dhe viktima të shumta.